հայերեն русский english
Փնտրել
 





ՀԱՅԱՍՏԱՆԻ ԱԶԳԱՅԻՆ ԱՐԽԻՎԻ ՏՆՕՐԵՆ

ԳՐԻԳՈՐ ՄԻԽԱՅԵԼԻ ԱՐՇԱԿՅԱՆ
 Ծնվել է 1982թ. հոկտեմբերի 27-ին Երևան քաղաքում:  1989-1999թթ. Սովորել է Երևանի Խրիմյան Հայրիկի անվան թիվ 10 դպրոցում:
1999-2005թթ. Սովորել է Երևանի պետական համալսարանի միջազգային հարաբերությունների ֆակուլտետում` ստանալով մագիստրոսի աստիճան:
2005-2008թթ. Սովորել է ՀՀ Գիտությունների ազգային ակադեմիայի Արևելագիտության ինստիտուտի ասպիրանտուրայում:
2008թ. Հարավային Կովկասում Թուրքիայի վարած քաղաքականության (1991-2001թթ.) հետազոտության շրջանակներում պաշտպանել է թեկնածուական ատենախոսություն` արժանանալով պատմական գիտությունների թեկնածուի գիտական աստճանի:
2018թ. Արժանացել է քաղաքական գիտությունների դոկտորի կոչման՝ ՀՀ ՊՆ Պաշտպանական ազգային հետազոտական համալսարանում գործող ՀՀ ԲՈՀ-ի 056 Մասնագիտական խորհրդում պաշտպանելով դոկտորական ատենախոսություն` «Թուրքիայի տարածաշրջանային քաղաքականությունը Հարավային Կովկասում  «Արդարություն և զարգացում» կուսակցության իշխանության շրջանում» խորագրով։
Հեղինակ է 4 մենագրության և ավելի քան երեք տասնյակ գիտական հոդվածների և զեկույցների:
 2005-2006 թթ. հանդիսացել է «Ելք» հասարակական բարեփոխումների կենտրոն և «Հասարակական երկխոսության և զարգացման կենտրոն» հասարակական կազմակերպություններում  տարբեր ծրագրերի ղեկավար:
2009-2012թթ. հանդիսացել է ԵՊՀ միջազգային հարաբերությունների և դիվանագիտության ամբիոնի դասախոս: 2010թ.-ից ԵՊԼՀ ՅՈՒՆԵՍԿՕԻ-ի մարդու իրավունքների, ժողովրդավարության և քաղաքագիտության ամբիոնի դոցենտ է:
2009թ. հունվարից-2013թ. հոկտեմբեր աշխատել է ՀՀ սփյուռքի նախարարության հայրենադարձության և հետազոտությունների վարչության հետազոտությունների բաժնի պետ:
2013թ. հոկտեմբերից-2019թ. հունիս աշխատել է ՀՀ սփյուռքի նախարարության հայրենադարձության և հետազոտությունների վարչության պետ:
2019թ. հունիսից-2020թ. օգոստոս  աշխատել է ՀՀ Վարչապետի աշխատակազմի սփյուռքի գործերի գլխավոր հանձնակատարի գրասենյակի հայրենադարձության և հետազոտությունների վարչության պետ։
2019թ. պարգևատրվել է ՀՀ սփյուռքի նախարարության  «Վիլյամ Սարոյան» մեդալով Հայաստան-Սփյուռք գործակցության զարգացման և Հայաստան-Սփյուռք կապերի ամրապնդման գործում մեծ ներդրում ունենալու համար։
2020թ. դեկտեմբերի 18-ից հանդիսանում է «Հայաստանի ազգային արխիվ» ՊՈԱԿ-ի տնօրեն:

Ամուսնացած է, ունի երկու երեխա:




 



Website design and development by BRONCOWAY